Tulsi ki pregnancy confirm ho chuki thi aur haveli mein khushi ka naya selaab aa gaya tha. Ranvijay ne poore Shivgarh ko dawat par bulaya tha. Har taraf roshni thi aur dhol-nagadon ki goonj thi. Arjun apne aane wale bhai ya behen ke liye bahut khush tha. Par us raat, jab dawat khatam hui aur mehmaan chale gaye, haveli ke sannate mein wahi purana junoon dubara jaag utha.

Ranvijay ne kamre ka darwaza lock kiya. Unhone Tulsi ko dekha jo aaine ke samne khadi apne gale ka haar nikaal rahi thi. Uske chehre par maa banne ki nayi chamak aur badan mein ek shahi bhari-pan tha.