Shivgarh ki haveli aaj kal Arjun ki masoom shaitaniyon se goonjti rehti thi. Arjun, jo ab teen saal ka ho chuka tha, bilkul Ranvijay ki parchhayi lagta tha wahi gehri aankhein aur wahi roabdaar nigaahein. Tulsi apna poora din apne bete ke peeche bhagte huye aur haveli ki malkin hone ka farz nibhate huye guzaarti thi.

Ek dopahar, Arjun bageeche mein dai-maa ke sath khelte-khelte so gaya. Tulsi ne use naram bistar par lita kar pankha chala diya aur thak kar apne kamre mein aayi. Usne abhi aaine ke samne khade hokar apne bikhre huye baal sanware hi the ki peeche se Ranvijay dakhil huye. Unhone darwaza itni khamoshi se band kiya ki Tulsi ko pata bhi nahi chala.