Ananya ke jaane ke baad haveli mein toh shanti ho gayi thi par gaon ki hawaon mein zeher ghulne laga tha. Ananya ne sheher jaane se pehle gaon ke mandir ke paas khade hokar sabke samne chillakar keh diya tha ki naye Sarpanch apni maryada bhool kar ek naukrani ke sath bistar garam kar rahe hain.

Dheere-dheere ye baat aag ki tarah poore Shivgarh mein phail gayi. Har mod par har choupal par sirf Ranvijay aur Tulsi ke 'karnamo' ki charcha thi. Log unhe gandi nazron se dekhne lage the.